Anila Hoxha tregon se çfarë ndodhi me apartamentin e kofiskuar të ish-kryeprokurorit Adriatik Llalla: I kaloi…

Gazetarja e njohur e kronikës, Anila Hoxha, teksa ishte e ftuar në “Top Story” për të diskutuar se ku shkojnë paratë e krimit, ka folur në lidhje me konfiskimet dhe përdorimin e pasurive të sekuestruara nga krimi i organizuar.

Hoxha përmendi konfiskimin e apartamentit në Durrës të ish-kryeprokurorit të Përgjithshëm, Adriatik Llalla, i cili u konsiderua pasuri e pajustifikuar nga ana e ish-drejtuesit të Prokurorisë.

Gazetarja tha se, në momentin e sekuestrimit, ky apartament i kaloi shtetit dhe sot përdoret për aktivitete sociale dhe kulturore.

Anila Hoxha: Më publik është rasti i konfiskimit të një apartamenti të konstatuar gjatë hetimit të ish-prokurorit Adriatik Llalla, pasuri e cila u konsiderua e pajustifikuar dhe e ardhur nga veprimtari e paligjshme. Për këtë arsye, ajo nga sekuestrimi më pas kaloi në favor të shtetit si pasuri e konfiskuar.

Sot, prej disa vitesh, kjo pasuri, ky apartament që është pronë e shtetit shqiptar, përdoret për aktivitete dhe si qendër sociale e kulturore.

Jemi duke folur pas dënimit të z. Llalla, i cili, kur u dënua, u largua nga Shqipëria dhe menjëherë paralelisht u vendos sekuestrim dhe konfiskim. Në momentin që iu vendos konfiskimi, kjo pasuri nuk u shit, por iu kalua shtetit për përdorim social, edhe për të dhënë një mesazh domethënës. Bëhet fjalë për një apartament me vlerë mbi 100 mijë euro në Durrës.