Ministri Hoxha takon homologun nga Luksemburgu, merr mbështetje për anëtarësimin e Shqipërisë në BE

Ministri për Evropën dhe Punët e Jashtme, Ferit Hoxha, vizitoi pasditen e sotme më 20 prill Luksemburgun, ku u prit nga zëvendëskryeministri dhe Ministri i Jashtëm, Xavier Bettel.

Hoxha dhe Bettel u ndalën në angazhimin e përbashkët për të thelluar më tej bashkëpunimin në fushat ekzistuese kyçe, me një fokus të shtuar tek inovacioni, teknologjia dhe turizmi.

Ministri Hoxha theksoi në një postim në X se Luksemburgu ka treguar një mbështetje të vazhdueshme dhe të vendosur për procesin e anëtarësimit në BE, ndërkohë që Ministri Bettel mbetet i angazhuar në favor të perspektivës evropiane të Ballkanit Perëndimor.

“Diskutuam gjithashtu hapat e ardhshëm të negociatave të anëtarësimit, duke nënvizuar rëndësinë e ruajtjes së momentit të zgjerimit përmes një procesi të besueshëm, të bazuar në meritë dhe të orientuar drejt të ardhmes sonë të përbashkët evropiane”, shtoi Hoxha.