VIDEO/“Largohuni, qen të qelbur!” Shkoi për falje namazi por u përball me të shara dhe të bëritura! Kryeministrit Albanese i ndodh e papritura në xhami

Last Updated: 20/03/26 - 21:03
VIDEO/“Largohuni, qen të qelbur!” Shkoi për falje namazi por u përball me të shara dhe të bëritura! Kryeministrit Albanese i ndodh e papritura në xhami

Kryeministri i Australisë, Anthony Albanese dhe Ministri i Punëve të Brendshme Tony Bruke, iu bashkuan besimtarëve myslimanë në xhaminë Lakemba në Sidnei për ritin e faljeve të Bajramit këtë të premte. Mirëpo nuk u përballën me një atmosferë fortë mikpritëse, pasi në fakt disa besimtarë “protestan” kundër tyre në xhaminë më të madhe të vendit, duke i kundërshuar dhe fishkëllyer.

Video nga momenti janë përhapur gjerësisht në rrjet, në to shihet dhe dëgjohet që disa besimtarë myslimanë ndërprenë faljen e namazit dhe filluan të bërtisnin “largohuni” dhe i quajtën “mbështetës të gjenocidit” apo “qen të qelbur”

Një roje sigurie, u hodh në tokë prej njërit prej personave i cili po bërtiste, ky i fundit më pas u shoqërua jashtë.

Në një moment gjatë tensioneve, një organizator i kërkoi turmës të ulej dhe të ndalonte filmimin, duke thënë: “Të dashur vëllezër dhe motra, qëndroni pak të qetë” dhe “është Bajram. Është një ditë gëzimi”.

Por kjo nuk ishte mjaftueshëm bindëse për “protestuesit” e pranishëm të cilët vijuan të bërtisin “turp për ju”, teksa politikanët largoheshin.

Disa anëtarë të komuniteteve muslimane në Australi, nuk e kanë pëlqyer qëndrimin e qeverisë ndaj sulmit të Izraelit në Gaza.

Në deklaratën e bërë Albanese, tha se disa ishin të acaruar nga vendimi i qeverisë së tij, i njoftuar më herët këtë muaj, për ta shpallur organizatën islamiste Hizb ut-Tahrir si një grup të ndaluar urrejtjeje sipas ligjeve të vendosura pas të shtënave masive të dhjetorit në Bondi Beach të Sidneit.

Last Updated: 20/03/26 - 21:03
Back to top button
LAJMET E FUNDIT