Liderët botërorë “në këmbë” për mbylljen e Nguishticës së Hormuzit, RREZIKOHET ekonomia globale

Liderët botërorë po ndjekin me shqetësim zhvillimet në Ngushticën e Hormuzit. Kryeministri britanik Keir Starmer dhe presidenti amerikan Donald Trump zhvilluan sot një bisedë telefonike mbi gjendjen në Lindjen e Mesme, duke theksuar rëndësinë e hapjes së ngushticës për të frenuar rritjen e kostove globale.

Nga ana tjetër, Bashkimi Evropian po shqyrton misionin detar “Shield” në këtë rajon, i cili pritet të diskutohet në Këshillin e Çështjeve Evropiane të hënën.

Berlini është shprehur skeptik mbi zgjatjen e operacioneve të BE-së në Ngushticën e Hormuzit. Ministri i Jashtëm gjerman Johann Vandeful ka deklaruar se misioni për të kaluar anijet tregtare përmes Detit të Kuq ka qenë e pamundur, dhe kjo është arsyeja pse ai është dyshues. Ndërkohë, ministri i Jashtëm iranian Abbas Araghichi ka theksuar se Ngushtica e Hormuzit është e hapur për të gjitha vendet, përveç SHBA-së dhe aleatëve të saj.

Ngushtica e Hormuzit është një nga korridoret më strategjike të transportit të energjisë në botë. Rreth 20% e naftës globale kalon çdo ditë përmes saj, duke e bërë një pikë kyçe për furnizimin e tregjeve ndërkombëtare. Çdo bllokim ose kufizim i qarkullimit në këtë ngushticë sjell pasoja të menjëhershme: rritje të çmimeve të naftës dhe gazit, destabilizim të tregjeve energjetike, presion mbi ekonomitë e vendeve importuese dhe rritje të tensioneve gjeopolitike. Deri tani, kërcënimet për mbyllje kanë shkaktuar luhatje të ndjeshme në bursat ndërkombëtare dhe frikë për një krizë energjetike globale.