“Sektori fason po falimenton!” Tabaku në Kuvend: Punëtorët shqiptarë po zëvëndësohen me indianë, a i shikoni këto apo jetoni në një realitet paralel?

Gjatë seancës së sotme plenare, deputetja e Partisë Demokratike Jorida Tabaku ka deklaruar gjatë fjalës së saj në foltore se ekonomia shqiptare sot është në krizë. Sipas saj ndërtimi është sektori i vetëm që po vijon të mbajë një ritëm të qëndrueshëm, teska shtoir se pesha e bujqësisë ka rënë nga 20% në 16%.

Ajo u ndal edhe tek sektpri fason, për të cilin tha se punëson rreth 170 mijë persona por po shkon drejt falimentit.

“Meqënëse ministrja ka shifrat e rritjes së GTP-së, a e ka parë ministrja që sot forcën kryesore shtytëse në ekonomi e ka në rritjen e shpenzimeve qeveritare, në rritjen e pagave në administratë? Që e ka ndërtimi? A e ka parë ministrja që pesha e bujqësisë ka rënë nga 20 % në 16 %? A e ka parë ministrja që sot po mban vetëm ndërtimi në të gjithë sektorët privatë dhe të gjithë sektorët e tjerë janë në rënie? A i vë re këto ministrja, që po hidhen produktet e bujqësisë në rrugë? A i vë re këto ministrja që një sektor i tërë i fasonëve me 170 mijë punonjës sot po mbyllet dhe është në paralizë? A i shikoni këto apo jetoni në një realitet paralel? Këto janë shifrat e ekonomisë shqiptare”, tha mes të tjerash Tabaku.

Ajo u ndal edhe te emigrimi masivpër të cilin fajësoi mazhorancën duke thënë se shqiptarët janë detyruar të largohen nga vendi dhe vendin e tyre në pozicionet e punëve të ndryshme po e zënë shtetas nga Bangladeshi, India dhe Pakistani.

“Këto janë shifrat e ekonomisë shqiptare. Se çfarë thua tutje, 2020 apo 2021. Sot shqiptarët janë larguar dhe ti je detyruar të marrësh punonjës nga India, nga Pakistani, nga Bangladeshi dhe ti e konsideron këtë mburrje për ekonominë shqiptare? Për këtë duhet të ulni të gjithë kokën dhe t’i kërkoni ndjesë shqiptarëve që keni larguar shqiptarët nga Shqipëria”, shtoi Tabaku.