VIDEO/ Kush është Ari Spitz, ushtari amerikano-izraelit të cilin Netanyahu e lavdëroi në Knesset përpara Trump?

Gjatë një fjalimi në Knesset , kryeministri izraelit Benjamin Netanyahu vlerësoi ushtarin amerikano-izraelit Ari Spitz, duke e përshkruar atë si një simbol të guximit dhe qëndrueshmërisë.

Konkretisht, Netanyahu, duke iu drejtuar anëtarëve të Knessetit, iu referua ushtarëve të plagosur të Izraelit, duke i vënë theks të veçantë rastit të ushtarit amerikano-izraelit që u plagos rëndë në Gaza: “Mijëra ushtarë tanë të guximshëm u plagosën, duke pësuar goditje të tmerrshme në trup dhe shpirt. Ushtarë të guximshëm si Ari Spitz”, tha Netanyahu.

Sipas kryeministrit izraelit, Spitz mori pjesë në një operacion për të gjetur terroristët dhe armët e Hamasit, gjatë të cilit dy nga kolegët e tij u vranë dhe dhjetë u plagosën. Ai fillimisht u supozua i vdekur, por mbijetoi dhe arriti të shërohej pavarësisht humbjeve të rënda.

Gjatë fjalimit, Netanyahu e thirri ushtarin të qëndronte për një moment, duke i thënë: “Ari, ti je fryma e Jozueut, fryma e Davidit, fryma e Makabenjve, fryma e Izraelit. Unë të nderoj, ne të gjithë të nderojmë.”

Prania e Spitz shkaktoi duartrokitje të ngrohta në sallë, me Netanyahun që theksoi se historia e tij pasqyron forcën dhe këmbënguljen e popullit izraelit.