VIDEO / Në prag të vitit të ri shkollor, dy të mitur shkatërrojnë shkollën në Pogradec

Një ngjarje e pazakontë është regjistruar mëngjesin e ditës së enjte në fshatin Buzishtë të Pogradecit.

Sipas raportimeve, dy të mitur kanë hyrë në ambientet e shkollës së fshatit dhe kanë shkatërruar orenditë dhe sende të tjera, duke shkaktuar dëme të konsiderueshme materiale.

Gjithçka vjen në një kohë, kur shkolla po përgatitet për të pritur nxënësit e vegjël në vitin e ri shkollor.

Policia ka identifikuar autorët dhe ka nisur një procedim penal ndaj tyre.