Paralajmërimi: Sulmi i ardhshëm në Gaza mund të shkaktojë shpërnguljen e 1 milion personave
The post Paralajmërimi: Sulmi i ardhshëm në Gaza mund të shkaktojë shpërnguljen e 1 milion personave first appeared on JavaNews.al.
Agjencia e Kombeve të Bashkuara për refugjatët palestinezë, UNRWA, ka paralajmëruar se ofensiva e ardhshme e ushtrisë izraelite (IDF) në qytetin e Gazës mund të detyrojë shpërnguljen e rreth 1 milioni personave, përfshirë shumë që tashmë ishin larguar më parë nga shtëpitë e tyre.
Në një postim në X, UNRWA njofton se IDF e ka shpallur qytetin e Gazës “zonë të rrezikshme të luftës” dhe ka bërë me dije se do të ndërpresë pauzat taktike që ishin vendosur për lehtësimin e ndihmave humanitare.
Agjencia thekson se çdo përshkallëzim i mëtejshëm i operacioneve ushtarake do të rrisë vuajtjet dhe do të çojë më shumë njerëz drejt katastrofës humanitare, duke shtuar presionin mbi një zonë që tashmë përballet me uri të konfirmuar.
The post Paralajmërimi: Sulmi i ardhshëm në Gaza mund të shkaktojë shpërnguljen e 1 milion personave first appeared on JavaNews.al.