“Paga ime do përgjysmohet si të tjerët…”! Meta nuk pranon vendimin e Ramës

Pak minuta pasi kryeministri Rama prezantoi paketën financiare që ka ndërmarrë Qeveria për situatën e Covid 19, ka reaguar presidenti Ilir Meta, që përshëndeti mbështetjen financiare të bërë publike nga Kryeministri.

“Ftoj Qeverinë të përcaktojë sa më parë kriteret e ndihmës për biznesin dhe familjet më në nevojë. Inkurajoj gjithashtu konsultimin me grupet e interesit për të bërë transparente detajimin e fondeve, për t’u dhënë përgjigje të menjëhershme nevojave emergjente të qytetarëve” – shkruan Meta në facebook.

Po kështu Institucioni i Presidentit të Republikës është solidarizuar me shkurtimin e fondit të buxhetit vjetor në interes të riadresimit të tyre, në mbështetje të shëndetësisë dhe sektorëve të vijës së parë në këtë përballje me pandeminë globale të COVID 19.

Bashkëpunimi, gjithëpërfshirja, humanizmi dhe solidariteti mbarëkombëtar do të na japë të gjithëve fuqinë e duhur pozitive për ta fituar këtë sfidë, duke mundur frikën, me besimin e palëkundur te e ardhmja dhe në Zot” përfundon deklarata e kreut të shtetit.