Besëlidhja/ Meta kujton Skënderbeun dhe u bën një thirrje të fortë shqiptarëve në këtë ditë historike

Presidenti Ilir Meta ka kujtuar heroin kombëtar Gjergj Kastriot Skënderbeu, ndërsa sot kur do të mbahet tubimi i thirrur nga vetë ai për mbrojtjen e Kushtetutës, u bëri thirrje shqiptarëve për një Besëlidhje të re.

“Heroi ynë kombëtar Gjergj Kastrioti Skënderbeu, siç me të drejtë ka thënë Fan Noli, do të mbetet shqiptari më i gjallë ndër të gjallët, figura më shpëtimtare dhe më frymëzuese për mbijetesë e kombit tonë, që testament na ka lënë domosdoshmërinë e bashkimit në momentet më të rrezikshme të ekzistencës së kombit tonë.”, shkroi ai në Facebook.

Ndërkohë që me rastin e kësaj date historike, shpreson që shqiptarët të reflektojnë.

Sot në përkujtim të ngjarjes historike të Besëlidhjes së Lezhës, unifikimit kombëtar përballë rrezikut të asimilimit e shkombëtarizimit, mesazhi që na sjell nga historia, uroj të na ndihmojë ne të gjithëve për reflektuar, për t’u ngritur dhe bashkuar sa nuk është vonë, në një Besëlidhje të re, po aq të fortë e gjithëpërfshirëse, përballë një rreziku të ri pushtimi nga një sekt mafioz, pa fe, pa familje, pa atdhe, që ka marrë peng të ardhmen e çdo shqiptari! Zëri i popullit është zëri i Zotit! Erdhi koha të dëgjohet sa më fort! Mirësevjen BESËLIDHJA E RE me Pranverën Kuqezi! “