“Politika, qeverisja, menaxhimi i shtetit nuk duhet të jenë laborator për kamikazë politikë”

Nga Enver Robelli 

Albin Kurti para disa ditësh tha: jo, zgjedhjet e reja nuk janë zgjidhje.

Duket se ka të drejtë.

Gjasat që partia e tij në zgjedhje të reja të shënojë fitore dukshëm më të madhe se më 6 tetor nuk janë reale.

Këtu duhet marrë parasysh edhe një gjë: sa herë që dështon një përpjekje për koalicion dhe vendi shkon në zgjedhje të reja, kartat përzihen dhe gjendja bëhet e paparashikueshme.

A mund ta mposht VV një koalicion parazgjedhor LDK, AAK (dhe eventualisht NISMA)?

(Mos të flasim këtu për parime, sepse në Kosovë gjithçka është e mundshme sa i përket koalicioneve).

Edhe nëse LDK i humb deri në 30 mijë vota (ndonëse edhe kjo duket e pabesueshme), AAK dhe NISMA në koalicion elektoral sjellin së paku 100 mijë vota.

Megjithatë, në kryesinë e VV-së duket se ka ende aventurierë politikë, të cilët i bien daulles nga Tirana për zgjedhje të reja në Kosovë.

Politika, qeverisja, menaxhimi i shtetit nuk duhet të jenë laborator për kamikazë politikë.

Por si përherë VV i di të gjitha më së miri, madje edhe kur kryetari thotë: jo, zgjedhje të reja, ndërsa anëtari i kryesisë i bie trumbetës për zgjedhje të reja.