Ambasada e SHBA-së e shqetësuar për situatën në Kumanovë

Ambasada amerikane shpreh keqardhje të thellë për jetët e humbura në lidhje me aksionin në rajonin e Kumanovës.

“Shprehim ngushëllimet tona për policët dhe qytetarët e vdekur, si dhe për të plagosurit. Ne po e përcjellim gjendjen dhe jemi në kontakt të vazhdueshëm me autoritetet dhe liderët politik. Ftojmë qytetarët të jenë të qetë dhe të lejojnë vërtetimin e fakteve”, thuhet në kumtesën e Ambasadës amerikane në Shkup.