Pranvera shqiptare ka marrë nisje

Kjo pranverë shqiptare në Maqedoni ka marrë nisjen dhe ka bërë ushtimën. Vjen si heshtje e paheshtur e një force të qetë dhe e një vullneti patriotik që s`do thehet dot. Se vjen si një vengimë e paharruar nga rravët e historisë së Maqedonisë shqiptare, që në kohën e gjeografit të vjetërisë, K.Ptolemeut, në gjeografinë e tij të madhërishme të vjetërisë botërore, në shek. II pas Krishtit, quhej “Ilirida e Maqedonisë”, që grekët dhe shumë autorë të gjeografive historike i thoshin edhe MAQEDONIA E EPËRME, këtë emër që grekër e sllavë të shpifur e bëjnë  tash të vjedhur nga ne, këtë emër që është shtrati parak dhe i lashtërishëm i tetë fiseve ilire dhe regjioneve të tyre në të, që u quajt po ashtu edhe REGJION SHQIPTAR NË  MAQEDONI (Albani, populi Macedoniae , quorum regio  dicitur).

Kjo pranverë shqiptare në Maqedoni ka marrë nisje dhe s`do mbarojë dot pa e ushtuar pikëmbërritjen. Se nisja drejt dinjitetit dhe kuptimit të lirisë nuk ka sinore kohe, ka vetëm një kohë të pandalshme dhe një horizont-fillesën dhe pikëmbërrijtjen, KUR NISJEN E SAJ E USHTON NJË NJË POPULL, kur flamurtar i saj bëhet brezi që vjen si pranverë në gjirin e një kombi.

Kjo pranverë shqiptare në Maqedoni ka marrë nisje dhe KJO PUNË QOFTË E MBARË, themi ne tash si e la fjalë shkrimtari e atdhetari Josif Bageri nga Nistrova  e Rekës së Epërme,  që bie “në  këtë hise Shqypnije që i thonë Maqedhoni”, si i thoshte shkrimtari  Atnisë së tij, që bie në regjionin historik të  ILIRISË SË SHKRETNUEME, si i thoshte kësaj toke Filipi V, ku kish vënë kufinë me dardanët në rrëzë të saj, pa zbritur në Gostivar.

Kjo pranverë shqiptare në Maqedoni do shkrijë njëherë e përgjithnjë ngricën e poshtërimit, të përgjunjes kombëtare që i ardhuri dhe i shpifuri ,me Kalin e Trojës së pazvanëve e zuzarëve të tyre e shtruan mbi tokën tonë, mbi njerëzinë tonë dhe “çdo gjë  arbërore që rrënuan e rrënojnë e quajnë paqe  “historike” dhe veten “çlirimtarë”, që vjen me thënë “tradhëtarë të ndershëm”, minj të qelbur  që gërryejnë të tashmen dhe të ardhmen shqiptare, këta minj që dalin e godasin nga gjirizet pansllave..!