Tym i zi për bashkimin e partisë/ “Kërcënon” Berisha: Ai që prek flamurin e PD, i ka bëre hesapet shumë keq

Kreu i Partisë Demokratike Sali Berisha ka reaguar mbrëmjen e sotme pas deklaratës së Grupit që mbështet Enkelejd Alibeajn.

Kujtojmë se këta të fundit kërkuan të dalin me kandidatët e vet në zgjedhjet lokale të 14 majit.

Në prononcimin e tij për mediat Berisah është shprehur se “ai që prek flamurin e PD, i ka bëre  hesapet shumë keq”

“Zotërinjtë, një grup deputetësh, u ftuan, ose erdhën, pa asnjë lloj paragjykimi dhe prapamendimi që të bashkohen nëse donin, të garonin për çdo post në këto bashki, të paraqisnin kandidatura, ose në përputhje me statutin të krijonin, po të duan fraksionin.
Por ata, sa janë nuk e di, por ata nuk duan as statutin as primaret dhe as fraksionin“, tha Berisha.