Pipero flet për zonat e “nxehta” nga koronavirusi: Gjendja e të shtruarve, serioze

Mjeku Pëllumb Pipero tha se gjendja në spitalin infektiv me të shtruarit e prekur nga COVID -19, është serioze. Duke theksuar se në këto kushte shumë e rëndësishme është mbajtja e maskës, mjeku u bëri thirrje qytetarëve për të treguar kujdes.

I pyetur nëse hapja e transportit publik do të rrezikonte shtimin e rasteve, Pipero tha: “Unë mendoj se transporti publik duhet hapur. Ka shumë vende që nuk e kanë mbyllur asnjëherë. Është e dosmodsohme, sepse vitalizon një sektor shumë të rëndësishëm të ekonomisë. Mjafton që në autobus të vendosim maskën dhe jemi tërësisht të mbrojtur. Por duhet shtuar numri i mjeteve në mënyrë që njerëzit të qëndrojnë sa më pak në stacion dhe kjo në mënyrë të menjëhershme ul numrin e personave që qëndrojnë në mjet”.

Advertisement

Në një intervistë në emisionin “Opinion”, mjeku Pëllumb Pipero tha se rritja e rasteve të personave të prekur nga COVID-19, është përtej pritshmërive dhe se ky lajm duhet konsideruar shqetësues.

“Ishte e pritshme që pas hapjes të kishim një shtim të rasteve, por është përtej prishtmërive tona. Është një lajm që duhet konsideruar shqetësues dhe duhet të jemi të shqetësuar në maksimumin e mundshëm. Të gjithë qyetarët duhet të tregohen të kujdeshshëm. Rreziku nga sëmundja është njëlloj. Nëse ne prekimi nga COVID -19, nëse ne jemi moshë e thyer, kemi sëmundje kronike, rreziku është po njëlloj, sa i takon transmetueshmërisë, ajo është ulur relativisht”, tha Pipero.

I pyetur se cilat janë zonat më të nxehta, mjeku tha: “Unë besoj që në të gjithë vendin ka raste, por zonat e mbipopulluara, zonat urbane, si Shkodra, Tirana, Kruja me industrinë fasone kanë rastet më të larta. Sidomos aty ku ka aktivitet ekonomik tek të cilat nuk respektohet protokolli”.

Back to top button