Koronavirusi nën kontroll pas strategjisë me testimet, argumentet e epidemiologut Alban Ylli

Epidemiologu Alban Ylli, thotë se “për sa kohë që në Shqipëri jemi në një situatë që e kemi mbajtur nën kontroll pandeminë, mund të flitet për sukses të strategjisë që kemi zgjedhur, që është e ngjashme me shumicën dërrmuese të vendeve të tjera”.

“Testimi përdoret për të gjurmuar rastet. Nuk ka arsye për t’u ndryshuar strategjia në këtë situatë. Në një fazë të dytë, kur shoqëria të hapet, do të na duhet të përdorim testimin si mjet ndoshta për të zëvendësuar masat e mbylljes dhe të na ndihmojë për të identifikuar dhe izoluar raste specifike, jo të gjithë shoqërinë. Mos të harrojmë se jemi vetëm në fazën e parë. Duhet të jemi të përgatitur edhe për një valë të dytë në vjeshtën apo dimrin e ardhshëm”, shtoi epidemiologu.

Në lidhje me faktin se vdekshëmria nga Covid-19 në vendin tonë është 5 për qind, Ylli tha: “Përqindja ndihmon për të treguar në vija të trasha situatën. Duhet të presim mbylljen e pandemisë për të bërë bilancet përfundimtare”.

loading...
Back to top button
Close