Futbollisti shqiptar zgjedh të përfaqësojë kombëtaren e Malajzisë

Taksa jemi mësuar të shohim që futbollistët shqiptarë zgjedhin kombëtare të tjera si Zvicra apo Greqia, kësaj here ka ndodhur një rast i çuditshëm.

Futbollisti shqiptar, Liridon Krasniqi ka vendosur të përfaqësojë kombëtaren e Malajzisë.

Loading...

Lajmi konfirmohet nga vetë Federata Malajziane e Futbollit, e cila njofton se procesi për pajisjen e 27-vjeçarit me dokumentacionin e nevojshëm është drejt fundit.

Sulmuesi aktivizohet prej 5 vitesh në këtë kampionat, dhe duke qenë se nuk është në planet e Kombëtares shqiptare apo dhe përfaqësueses së Kosovës, vendosi t’i bashkohej Malajzisë.

Kujtojmë që më herët Krasniqi ka veshur 1 herë fanellën e Kombëtares Shpresa në vitin 2011-të, si dhe 3 herë fanellën e Kosovës, gjatë sezonit 2014-2015, para se “dardanët” të pranoheshin në FIFA.

Loading...
Back to top button