“Kufiri”, ministri grek s’vjen në Tiranë

Ka nisur në Tiranë takimi i ministrave të Jashtëm të Evropës Juglindore, ku marrin pjesë përfaqësuesit e 13 vendeve. Në këtë takim do të diskutohet mbi situatën në rajon, zhvillimet politike, realizimin e prioriteteve të kryesisë shqiptare, bashkëpunimin në rajon dhe hapat e ndërmarra në procesin e integrimit në strukturat Euroatlantike. Në këtë takim mungon ministri i Jashtëm i Greqisë, Nikos Kotzias. Shkak për bojkotimin e samitit është bërë përplasje që dy vendet kanë pasur kohët e fundit lidhur me kufirin detar.

Po nesër, pranë selisë së Kuvendit të Shqipërisë, do të mbahen mbledhjet teknike të tre Komisioneve Parlamentare të SEEEP-së, të Komisionit të Përhershëm dhe të Grupit të Punës. Në mbledhje do të diskutohen nga tre komisionet e asamblesë rezoluta e raporte që kanë në fokus sigurinë, mbrojtjen e kufijve, luftën kundër terrorizmit, mbrojtjen e fëmijëve si dhe projektet e përbashkëta rajonale në fushën e energjisë dhe infrastukturës. Gjithashtu në takimet e kësaj date komisionet do të bëjnë zgjedhjet e tyre për të vendosur kryesinë e secilit komision. Aktiviteti do të kulmojë me mbledhjen e Asamblesë Parlamentare, me datë 23 maj 2015, në sallën e konferencave ku punimet do të drejtohen nga Kryetari i Kuvendit të Shqipërisë, njëkohësisht President i Asamblesë Parlamentare të kësaj Presidence, Ilir Meta

loading...

Leave a Reply

Your email address will not be published. Required fields are marked *

Back to top button
Close