Pylli i Divjakës rrezikon zhdukjen, pishat përdoren për zjarr

Foto ilustruese

Pylli me pisha i Divjakës rrezikon të zhduket dalëngadalë…
Është dora shkatërrimtare e njeriut që po cënon dita ditës Parkun Kombëtar të Divjakës, një nga pasuritë e pazëvendësueshme të natyrës shqiptare, raporton agjencia e lajmeve NOA.al.

Qindra drurë pishe 80-vjeçarë janë prerë nga persona të papërgjegjshëm, për t’u përdorur si lëndë e parë për zjarr, në lokalet dhe restorantet, e ngritura në mënyrë të paligjshme brenda pyllit të mbrojtur me pisha.

Askush nuk respekton tabelat e vendosura nga shërbimi pyjor që ndalojnë prerjen e drurëve në pyll, duke shkelur ligjin në mënyrën më të pashembullt.

Sipas të dhënave janë rreth 50 objekte pa leje të ndërtuara në pyllin e Divjakës gjatë këtyre viteve të fundit.

Pronarët e lokaleve kanë ndërtuar oxhaqe për të gatuar, ku nuk përdorin as gazin as energjinë elektrike, por gatuajnë vetëm me dru pishe.

Situatën e bën më alarmante edhe fakti se autoritetet përgjegjëse për mbrojtjen e pyllit kombëtar janë neglizhente dhe nuk kanë marrë asnjë masë për ndalimin e kësaj katastrofe kundër mjedisit.

Sipas të dhënave në pyllin e Divjakës çdo pronar lokali pret në ditë mesatarisht 10 pisha, një fakt, që me shumë gjasë në pak kohë do të zhdukë pak nga pak këtë pyll, prej 5 mijë ha me pisha.


Mundesohet nga faqet ne facebook: ” Te behemi 50.000 veta kunder regjistrimit te fese & kombesise.Loje e Grekut “ dhe ” Zgjohu Shqiptar !!! “ —> “Shperndaje”

loading...

Leave a Reply

Your email address will not be published. Required fields are marked *

Back to top button
Close