Hoxha akuza të renda Berishës, bashkpunoj me Serbët e arrestoj Adem Jasharin

Ardian Hoxha, djali i biznesmenit shqiptar Remzi Hoxha, i zhdukur 16 vite më parë, i ka drejtuar një letër të hapur Kryeministrit të Shqipërisë, Sali Berisha, të cilin e ka akuzuar se kishte bashkëpunuar me Serbinë. Në letër thuhet gjithashtu se pikërisht pse babai i tij dinte për takimet sekrete të Sali Berishës me Sllobodan Millosheviqin dhe Kiro Gligorovin, ish-presidentin e Maqedonisë, është vrarë nga njerëzit e Berishës, në atë kohë president i Shqipërisë.

“Me shumë dhembje ju drejtohem sot juve si reagim ndaj deklaratave tuaja për `ata që punojnë për Serbinë’, për shkak se nuk dua të bëhem pjesë e politikës tuaj ditore dhe lojërave tuaja për pushtet, megjithatë do të shprehem sepse ju nuk po e thuani të vërtetën. Për më shumë, ishin informacionet se `kush punonte me Serbinë dhe për Serbinë’ që ju shtynë të zhdukni babain tim, Remzi Hoxhën”, thuhet në fillim të letrës së Ardianit, drejtuar kryeministrit shqiptar, Berisha, në të cilën theksohet se familja Hoxha për 16 vitesh është përmbajtur dhe nuk i kishte dhënë kahje politike çështjes së zhdukjes së Remzi Hoxhës.
“Me këtë letër/vepër nuk jam duke e mbrojtur z. Rama për të cilin jeni deklaruar se punon për Serbinë dhe nuk dua që kjo të kuptohet si e tillë, por thjesht dua që t’ua rikujtoj juve se kush me të vërtetë ka punuar me Serbinë dhe për Serbinë. Për më shumë, familja jonë nuk është e pozicionuar me asnjë parti politike, qoftë në Kosovë, Shqipëri apo Maqedoni, dhe është `mbi-politike’, pra me popullin. Pra, ne nuk jemi as me të majtën, as me qendrën, e as me të djathtën”, thuhet në letër në të cilën i kërkohet Berishës se e ka për obligim t’ia sqarojë popullit Shqiptarë fatin e Remzi Hoxhës.

“Babain tim, Remzi Hoxhën, njerëzit tuaj me ju në krye si President i Shtetit, e keni zhdukur mu për shkak të frikës së zbardhjes së veprave tuaja me Serbinë dhe për Serbinë. Ju, Sali Berisha, duhet t’i tregoni popullit Shqiptarë për takimin tuaj me Sllobodan Millosheviçin dhe Kiro Gligorovin, më 31 Maj, 1993, në Shën Naum të Maqedonisë, dëshmitar i të cilit ishte edhe babai im. Ju po ashtu duhet t’ia tregoni popullit Shqiptar takimin e Bashkim Gazidedes me Arkanin (njeriu që ishte udhëheqës i masakrave ndaj Shqiptarëve), në Shkodër”, thuhet në letër, e cila vazhdon me akuza ndaj Berishës për mbështetje të tij ndaj Serbisë, në kohën sa kjo e fundit ndodhej nën sanksione të bashkësisë ndërkombëtare.

“Ju, Sali Berisha, ishit ata që ndihmuat Serbinë me naftë për ta ndezur edhe më tepër luftën në Ballkan, dhe për t’i mbushur me naftë tanket e paramilitarëve dhe ushtarëve Serb që masakruan mbi 10 000 Shqiptarë, që dhunuan nënat, motrat dhe vajzat Shqiptare, e që dëbuan nga shtëpitë e tyre mbi 1 milionë Shqiptarë, kur e gjithë bota i kishte vënë embargo Serbisë. Ju, Sali Berisha, ishit ata që ndihmuat këta Serbë, që sot janë duke u bërë pjesë e Bashkimit Evropian dhe të cilët akoma kërkojnë ta marrin një pjesë të Kosovës. Ju, Sali Berisha, ishit ata që burgosët Adem Jasharin, Zahir Pajazitin, Hashim Thaqin, e shumë patriotë të tjerë Shqiptarë të cilët u vranë nga po këta Serbë, dhe ndoshta nga nafta juaj. Andaj, ju lutem mos u merrni me këtë temë sepse na e shtoni dhembjen edhe më shumë. Në fund ju pyes juve: `Kush qenka ai që punon me Serbinë dhe për Serbinë?”, përfundon letra e hapur e Ardian Hoxhës, drejtuar Kryeministrit të Shqipërisë, Sali Berisha.

Nga faqa ne facebook: Te behemi 50.000 veta kunder regjistrimit te fese & kombesise.Loje e Grekut —> “Shperndaje”

loading...

2 Komentet

  1. Jame mese i bindur dhe nuk me duket aspak e cuditeshme ajo qe Ardian Hoxha i ka shkruajtur Sal maaskarait se ai eshte ai qe i vrau dije shqipetaret dhe ai eshte qe po i percan sote shqipetaret. Vendi yne ka patur patriot gjithemon dhe sote ka plote por njerez si Sliu nuk i lene ata njerez te bejne dicka per shqiperin dhe shqipetaret e te gjitha trevave , une nuk e kame degjuar asnjehere zotin maskara kryeminister te flase dhe te ngrej zerin per ato qe i ndodhin shqipetareve si ne maqedoni e ne mal te zi e gjithandej tjeter, se ai quhet kryeministri i shqipetareve dhe i takon me ligj ta ngrej zerin e ti mbroj shqipetaret deri ne piken e fundit sic ben e cdo kryeminister tjeter ne bote . Porm kryeministri jone nuk ka me as krenari as patriotizem as moral asgje ai eshte gati ta shes gjithe shqipetarizmin per nje cmim te pelqyeshem nga ai .Rrofte shqiperia dhe shqipetaret .

  2. Sala te mbroje shqiptaret !?!? Sala shkon dhe takohet e ben bisedime me ata qe kane qene jane dhe do te jene kundra shqiptareve…poshtersi me te madhe zorr se gjen ne boten e demokratizuar ,sic llogaritemi edhe ne si komb…..Sali Berisha ka gjuhen e hidhur vetem kunder bashkombasve te tij, ka sharjen dhe ofendimin vetem kunder atyre qe duan te ndryshojne ate vend nga korrupsioni, vrasjet e pafund , vjedhjet pa mbarim, pra ta themi shqip eshte nje percares dhe luan politikat e Beogradit e Athines. fale dete e toka si te jene pasuria e tij. Pra i ngelet atij populli qe ta heqe njehere e pergjithmone nga drejtimi i shtetit dhe ti konfiskohen te gjitha pasurite e paligjshme qe ka vene keto vite ai…dhe familja e tij, pa harruar te gjithe ministrat dhe vasalet e tij te fshehte qe jane pasuruar ne kurriz te njerezve te thjeshte te atij vendi.

Leave a Reply

Your email address will not be published. Required fields are marked *

Back to top button
Close