Serbet pushtojn Panairin e Librit në Tiranë me Kuzhinë serbe dhe Folklor serb

    Kuzhina dhe Turbo Folklori serb në Tiran

Qoshqet me skara dhe këngë serbe kanë pushtuar hyrje-daljet e Pallatit të Kongreseve, në Tiranë, brenda të cilit po mbahet Panairi i Librit.

Stenda, restorante dhe kafene të improvizuara serbe nga Beogradi, Nishi e Leskovci, presin vizitorët dhe lexuesit e panairit, përfshirë këtu edhe shkrimtarët. Të gjithë shijojnë rakinë serbe, tingujt e muzikës serbe dhe qebapin e suxhukun serb.

Edhe shërbimi bëhet në serbisht. Por, kjo s’duket se u bën përshtypje tiranasve. Reagime ka vetëm nga vizitorët nga Kosova e Maqedonia.

Kushtrimi, një vizitor i rregullt i panairit, shprehet i dëshpëruar nga ajo që sheh.

”Jam i befasuar me këtë që po shoh. Ndoshta është mungesë e vetëdijes ose injorancë mediokre. Mund të dukem i bezdisshëm kur them se si një serb me reklamë në cirilik dhe me këngë serbe punon lirshëm në mes të Tiranës. Le ta provojë dikush nga Tirana e ta bëjë këtë gjë në Beograd, apo diku tjetër. Pikërisht këta serbë i shqyen pikturat e një piktoreje shqiptare në Beograd, vetëm për shkak se ishte pjesëmarrëse në një ekspozitë ballkanike”, shprehet Kushtrimi, vizitorë nga Kosova.

Edhe Anisa, një studente tetovare në Universitetin e Tiranës, ndjehet e befasuar me atmosferën në hyrje të panairit.

“Është ky një turbo-folk i përzier me skarën serbe, që për neve nuk lë ndonjë shije të mirë. Ne, si tetovarë, kemi traditën tonë të kuzhinës së begatë. Pse nuk është ftuar ajo, kur dihet se kuzhina jonë pushton qendrat turistike të rajonit, Evropës dhe botës. Por, ja që mentaliteti ynë tregon se jemi të tillë dhe nuk i vlerësojmë tanët. Më e keqja është se këtu mungon një ndjenjë kombëtar dhe atdhetar”, thekson studentja tetovare.

Një grup studentësh kosovarë ndërkaq apelojnë që partitë dhe lëvizjet politike të zgjohen dhe të shprehin revoltë ndaj kësaj dukurie.

“E pyesim Aleancën Kuq e Zi, por edhe ndonjë tjetër, që këtu rrah gjoks për kombëtari se ku janë tani. Atje (në veri të Kosovës) serbët vendosin barrikada dhe s’lejojnë shqiptar që t’i shkel këmba, e as t’i dëgjohet zëri, e këtu ndodh e kundërta – serbët defilojnë si të duan dhe nga të duan”, nënvizohet , mes tjerash, në apelin e studentëve kosovarë, që vizituan Panairin.

Autoritetet dhe institucionet e Tiranës nuk deshën të flisnin për këtë çështje, që për shumë vizitorë lë përshtypje të keqe që në shikim të parë.

Nga faqa ne facebook: Te behemi 50.000 veta kunder regjistrimit te fese & kombesise.Loje e Grekut —> “Shperndaje”

loading...

2 Komentet

  1. Prandaj jemi asimilu nder shekuj e vazhdojme te asimilohemi se jemi popull pa identitet e pa nacionalitet.
    turp

Leave a Reply

Your email address will not be published. Required fields are marked *

Back to top button